Яндекс.Погода

О "Зубренке"

Программы

Оздоровительным лагерям

Образование

Оздоровление

Отдых

Медиацентр

Фотадакументаліст і журналіст Мікола Міхайлавіч Лінік у «Зубронку»

23 апреля 2019

Натхніць маладое пакаленне на творчыя стварэнні, распавесці, што значыць быць фатографам і журналістам у 21 стагоддзі 23 красавіка змог на творчай сустрэчы фотадакументаліст з пяцідзесяцігадовым стажам, журналіст і пісьменнік Мікола Міхайлавіч Лінік. Удзельнікамі сустрэчы сталі выхаванцы змены «Кнігалюбы пакараюць «Зубронак» і рабяты з медыякаманды.

Сфера інтарэсаў Міколы Міхайлавіча – прырода, людзі і культурныя пабудовы Беларусі. Фатограф супрацоўнічае са шматлікімі рэспубліканскімі і рэгіянальнымі газетамі і часопісамі, выстаўляе свае фота ў рэгіёнах і сталіцы Беларусі. Журналістыка для Міколы Міхайлавіча – гэта людзі, іх характары і гісторыя.

Падчас творчай сустрэчы з выхаванцамі цэнтра была зададзена вялікая колькасць разнастайных пытанняў. Хлопчыкаў і дзяўчынак асабліва цікавіў шлях інжынера, кім па адукацыі з’яўляецца Мікола Міхайлавіч, да творчасці ў сферы фотамайстэрства і журналістыцы, а таксама сакрэты стварэння фоташэдэўраў.

Госць «Зубронка» распавёў пра свае першыя надрукаваныя фотаздымкі ў раённай газеце ў часы навучання ў школе, а таксама пра значныя творчыя перамогі і дасягненні ва ўжо сталым узросце. Мікола Лінік мае вопыт у афармленні кніг славутых беларускіх і ўкраінскіх пісьменнікаў. Пра гэты досвед фатограф таксама паведаміў падлеткам.

Што такое кампазіцыя, ракурс і святло ў фотасправе, якія куткі Беларусі самыя фотагенічныя, як стварыць якасныя фотаздымкі, якія будуць натхняць і заварожваць гледачоў, як распрацаваць якасныя журналісцкія тэксты – аб усім гэтым у ажыўленай гутарцы даведаліся выхаванцы цэнтра.

Мікола Міхайлавіч распавядае пра свой творчы шлях

Гутарка з юнымі кнігалюбамі

Прагляд фотапрац М.М. Лініка